italiye bilen rusiye otturisida jasusluq kirizisi yüz berdi
italiyede pul bedilige bir qisim mexpiy uchurlarni rusiyege bergenliki sewebidin déngiz armiyesining bir ofitséri qolgha élindi.
türkiye awazi radiyosi xewiri: italiye tashqi ishlar ministirliqi rusiyening rimda turushluq bash elchisi sérgéy razofni ministirliqqa chaqirtti.
italiye metbuatlirining xewerliride, rim bash teptish mehkimisining tekshürüshi dairiside, italiye mexpiy tekshürüsh orginining téxnikiliq iz qoghlishi we italiye zhandarma etritining rimda tünügün kechte élip barghan herikiti netijiside, italiyelik bir ofitsér bilen rusiyening rim elchixanisida xizmet qilidighan bir herbiy emeldarning mexpiy uchrishish esnasida nazaretke élinghanliqi bildürüldi.
italiyelik ofitsérning rusiyelik herbiy emeldargha pul bedilige bir qisim mexpiy höjjet we uchurlarni bériwatqan nex meydanda nazaretke élinghanliqi, her ikkisining jasusluq we dölet bixeterliki jinayiti bilen eyiblengenliki uqturuldi.
xewerlerde italiye déngiz armiyesining paraxot qomandani bolupmu wezipe ötigen italiyelik ofitsériing nazaretke élinghanliqi we rusiyelik herbiy emeldarning bolsa, diplomatik salahiyitining tekshürülgenliki bildürüldi.
bu weqelerge qarita italiye tashqi ishlar ministirliqi bayanat élan qilip, ministirliq meslihetchisi élizabétta béllonining rusiyening rimda turushluq bash elchisi sérgéy razofni ministirliqqa chaqirghanliqi eskertildi.
italiye metbuatliri bu weqening soghuq munasiwetler urushidin buyanqi özara munasiwetlerde körülgen eng éghir hadise ikenlikini xewer qildi.
