فىرانسىيەدە ئىسلامغا ئۆچمەنلىك قىلىش ئېقىمىغا قارشى نامايىشلار داۋاملاشماقتا

تۈركىيە ئاۋازى رادىيوسى خەۋىرى: پايتەخت پارىژ، مارسىليا، لىللە، ستراسبۇرگ، بوردوكس ۋە لىئون قاتارلىق شەھەرلەردە «ئايرىمچى قانۇن لايىھىسى»گە ۋە ئىسلامغا ئۆچمەنلىك قىلىش ئېقىمىغا قارشى نامايىش ئۆتكۈزۈلدى.

«ھەممەيلەننىڭ باراۋەر ھەق- ھوقۇققا ئىگە بولىشى ئۈچۈن ئىسلامغا ئۆچمەنلىك قىلىش ئېقىمىغا قارشى ئالدىنقى فىرونت» ناملىق ئاممىۋى ئۇيۇشمىنىڭ باشچىلىقىدا، پارىژنىڭ چاتېلېت مەيدانىغا توپلاشقان نامايىشچىلار جۇمھۇرىيەت مەيدانىغىچە يۈرۈش قىلدى.

 نامايىشچىلار «ئىسلامغا ئۆچمەنلىك قىلىش توختىتتىلسۇن!»، «ئادالەت بولمىسا، تىنچلىقمۇ بولمايدۇ»، «ئىرقچىلار خالىمىسىمۇ بىز بۇ يەردەمىز»،  «ماكرون خالىمىسىمۇ مۇسۇلمانلارنىڭ شەرىپى ۋە بالىلارنىڭ كەلگۈسى ئۈچۈن بىز بۇ يەردەمىز» دەپ شوئارلارنى توۋلىدى.