америка париж килимат өзгириши келишимигә рәсмий қайтти
америка ташқи ишлар министири антони блинкен байдинниң вәзиписини башлапла килимат өзгириши келишимигә қайтиш қарарнамисини имзалиғанлиқини хатирилитип, американиң бүгүндин башлап рәсмий һалда келишимниң бир парчиси болғанлиқини елан қилди.
түркийә авази радийоси хәвири: америка ташқи ишлар министири антони блинкен американиң бүгүн (2021-йили 19-феврал) дин башлап париж килимат өзгириши келишимигә рәсмий қайтип кәлгәнликини елан қилди.
у йазма байанатида, париж килимат өзгириши келишиминиң йәр шариниң иссип кетиши вә буниң тәсиридә килиматта йүз бәргән өзгиришләрниң алдини елиш нуқтисидин тәңдиши йоқ «муһит келишими» икәнликини тәкитлиди.
у: «2016-йили келишимгә иштирак қилишимиз, бүгүн болса келишимгә қайтидин иштирак қилишимиз, буниңдин кейин кейинки һәптиләрдә, айларда вә йилларда немиләрни қилидиғанлиқимиз нуқтисидин муһим әһмийәткә игә» деди.
у американиң икки тәрәплик вә көп тәрәплик учришишларда, килимат өзгиришини күнтәртипкә қойидиғанлиқини алаһидә әскәртип: «әмди килимат өзгириши вә билим дипломатийәси ташқи сийасәтләрдә һәргизму қошумчә тема болмайду. килимат өзгиришиниң һәқиқий тәһдитлиригә диққәтни мәркәзләштүрүш вә билим адәмлиримизгә қулақ селиш, бизниң ички вә ташқи сийасәтлиримиздә алдин әһмийәт беридиған мәркизий мәсилиләр болиду» деди.
у пирезидент җо байдинниң 22-апрел (2021) өткүзүлидиған алий рәһбәрләр килимат йиғиниға қатнишидиғанлиқини билдүрди.
сабиқ пирезидент доналд трамп 2017-йили ийунда американиң париж килимат өзгириши келишимидин чекинидиғанлиқини елан қилған вә 2019-йили 4-нойабир бу келишимдин рәсмий чекингән иди.
