б д т баш катипи ваксина тәқсиматидики адаләтсизликни оттуриға қойди

түркийә авази радийоси хәвири: бирләшкән дөләтләр тәшкилати (б д т) баш катипи антонийо гутеррес вухән вируси (ковид – 19) ваксинисиниң баравәр вә адил тарқитилмиғанлиқини байан қилип: «нөвәттә ваксининиң 75 пирсәнтини пәқәт 10 дөләт ишлитиватқан болуп, 130 дин артуқ дөләткә бир қутиму ваксина әвәтилмиди» деди.

баш катип гутеррес б д т хәвпсизлик кеңишиниң йуқум вә ваксининиң баравәр тарқитилиши тоғрисидики йиғинида сөз қилип, әгәр вирус «дала от апити»гә охшаш тарқилип кәтсә, уда өзгириш һасил қилип техиму йуқумлуқ вә әҗәллик һаләткә келидиғанлиқи һәққидә агаһландурди..

ковид  - 19 йуқумиға қарши тәрәққий қилдурулған ваксининиң баравәр вә адил тәқсимләнмәйватқанлиқини тәкитлигән гутеррес: «пәқәт 10 дөләт ковид ваксинисиниң 75% ни ишләткән болсиму, 130 дин артуқ дөләткә бир қетимму ваксина әвәтилмиди» дегәнләрни қәйт қилди.

дунйаниң йәр шариви ваксинилаш пиланиға моһтаҗ икәнликини тәкитлигән антонийо гутеррес, 20 дөләт гуруһини йәр шариви ваксинилаш пиланини йолға қойуш үчүн җиддий хизмәт гурупписи тәшкилләшкә чақирди.