خىتاينىڭ 12 ئۇرۇش ئايروپىلانى تەيۋەن ھاۋا مۇداپىئە ساھەسىگە تاجاۋۇز قىلدى

تۈركىيە ئاۋازى رادىيوسى خەۋىرى: تەيۋەن خەۋەر ئاگېنتلىقى «CNA» نىڭ خەۋەرىگە ئاساسلانغاندا، تەيۋەن دۆلەت مۇداپىئە مىنىستىرلىقى ئېلان قىلغان باياناتتا، خىتاي ئارمىيەسىگە تەۋە 8 «شىئەن H-6» تىپلىق بومباردىمانچى ئايروپىلان ۋە 4  «شېنياڭ J-16» تىپلىق كۈرەشچى ئايروپىلاننىڭ غەربىي جەنۇبتىن  تەيۋەن ھاۋا ساھەسىگە بېسىپ كىرگەنلىكى بىلدۈرۈلگەن.

ھاۋا ساھەسىگە خىلاپلىق قىلىش ھەرىكىتىدىن كېيىن، تەيۋەن ئۇرۇش ئايروپىلانلىرى دەرھال رايونغا ئەۋەتىلگەن، خىتاي ئايروپىلانلىرى رادىئو ئارقىلىق جىددىي ئاگاھلاندۇرۇلغان.

باياناتتا، بىر كۈندە خىتاينىڭ بۇنچە نۇرغۇن ئۇرۇش ئايروپىلانلىرىنىڭ ھاۋا مۇداپىئە رايونىغا ئۇسسۇپ كىرىشى «ئادەتتىن تاشقىرى» ئەھۋال ئىكەنلىكى ئۇقتۇرۇلغان.