пәләстин азадлиқ тәшкилати әмәлдари түркийәгә миннәтдарлиқ билдүрди

түркийә авази радийоси хәвири: җибрил әррәҗуб рамаллаһта түркийәниң пәләстиндә турушлуқ баш консули баш әлчи әһмәд риза дәмирәр билән көрүшти.

түркийәниң пәләстин мәсилисидә вә пайтәхти қуддус болған мустәқил пәләстин дөлитиниң қурулушиға қиливатқан күчлүк йардимидин миннәтдар икәнликини билдүргән җибрил әррәҗуб, пәләстин исламий қаршилиқ көрситиш һәрикити – һамас билән пәләстин азадлиқ тәшкилати оттурисидики сийасий бөлүнүшкә хатимә бериш үчүн көрсәткән тиришчанлиқи үчүнму рәһмәт ейтти.

2006- йили пәләстиндә өткүзүлгән сайламда ғәлбә қилған һамас 2007 – йили ғәззә районида һакимийәт бешиға чиққандин буйан, исраилийә ишғалийити вә муһасирә астидики пәләстин земинида һәрикәт қиливатқан икки чоң күч — һамас билән  фәтһ (пәләстин азадлиқ тәшкилати) һәрикити оттурисида зор сийасий ихтилаплар давам қилмақта.

гәрчә аридики 13 йилда икки һәрикәт оттурисида нурғун келишимләр имзаланған болсиму , әмма иҗра қилинмиди.