йапонийә, америка-йапонийә иттипақини күчәйтишни тәләп қилди
йапонийә баш вәзири суга йошиһиде (Suga Yoşihide) йапонийә-америка иттипақини күчәйтип, әркин вә очуқ болған һинди-тинч окйан нишанини әмәлгә ашурушни халайдиғанлиқини ейтти.
түркийә авази радийоси хәвири: йапонийә баш вәзири суга йошиһиде токйода зийарәттә болуватқан америка һинди-тинч окйан қоманданлиқ иштабидики адмирал филип давидсон (Philip Davidson) ни қобул қилғанда, җәнубий вә шәрқий деңиздики районлуқ хәвпсизлик тәһдитләр үстидә алаһидә тохталди.
у шәрқий вә җәнубий деңизниң һазирқи һалитини бир тәрәплимилик һалда өзгәртиш үчүн қилиниватқан вә барғансери күчийиватқан урунушлардин чоңқур әндишә қиливатқанлиқини әскәртип: «алий рәһбәрләр учришиш сәвийәсидә туруватқан йапонийә-америка иттипақини күчәйтип, икки дөләт оттурисидики кординатсийә вә һәмкарлиқларни чоңқурлаштуруш, әркин вә очуқ һинди-тинч окйан нишанини әмәлгә ашурушни халаймиз» деди.
адмирал филип давидсон: «америка йапонийә билән болған иттипақлиқтин мәмнун. бу нишанниң әмәлгә ешишиға мунасивәтлик һәмкарлиқлиримизни давамлаштуримиз» деди.
йапонийә «никкей гезити» дә билдүрүлишичә, көрүшүштә, шималий корейәниң 2020-йили сентәбирниң бешидин башлап ашкарилиған вә «йеңи қитәләр ара балистик башқурулидиған бомбилар» икәнлики илгири сүрүлгән тәрәққий қилдурулған қораллар, хитайниң райондики күчийиватқан кеңәймичилики вә окинавадики америка һәрбий базилириниң иштат үстидики йүклирини йәңгиллитиш қатарлиқ хәвпсизлик мәсилилири музакирә қилинған.
