«meis arili» da gérmaniyelik 2 zhurnalist qolgha élindi

türkiye awazi radiyosi xewiri: girétsiyening «‹ énikos› tori» ning xewer qilishiche,  gérmaniyening «‹Deutsche Welle› téléwiziyesi» de ishleydighan bir muxbir bilen bir opératorning, porttiki déngiz armiyesi paraxotini süretke alghanliqi, sahil bixeterlik  dairilirige xewer qilinghan. girétsiye dölet xewpsizlik küchliri derhal neq meydangha yétip bérip, zhurnalistlardin körünüshlerni tapshurushini telep qilghan, lékin ular buni ret qilghan.

girétsiye dölet bixeterlik orgini xadimlirimu bar bolghan port idarisida, bu körünüshler grétsiye dairiliri teripidin tartiwélinghan.

«jasusluq» gumani bilen qolgha élinghan zhurnalistlar, rayonda xewer paaliyetliri bilen shughullinish üchün ijazetname élishi lazimliqi toghruluq agahlandurush bérilgendin kéyin qoyup bérilgen.