pompéyo iranning uran zapaslash miqdarining normidin on hesse éship ketkenlikini ilgiri sürdi
amérika tashqi ishlar ministiri mayk pompéyo, iranning uran zapisining gherb döletliri bilen tüzülgen «birleshme uniwérsal heriket pilani» namliq yadro kélishimi heqqide toxtaldi.
türkiye awazi radiyosi xewiri: amérika tashqi ishlar ministiri mayk pompéyo, iranning uran zapisining gherb döletliri bilen tüzülgen «birleshme uniwérsal heriket pilani» namliq yadro kélishimide körsitilgen miqdardin 10 hessidin köp éship ketkenlikini otturigha qoydi.
pompéyo tiwittérda iranning uran échish xizmetliri heqqide yazma bayanat élan qildi.
téhran dairilirining, birleshme uniwérsal heriket pilanida körsitilgen eng yuqiri uran zapisi ölchimidin 10 hesse éship ketkenlikini ilgiri sürgen mayk pompéyo, firansiye, gérmaniye we italiyeni tilgha élip, «mezkur üch dölet we bashqa döletler yadro kélishimining tarixiy ikenliki (chüshi)din oyghinip, (irangha) téximu téximu éghir jaza yürgüzüsh mesiliside bizge qoshulushi kérek. bésim we etrapliq söhbetlishish birdinbir yoldur» dédi.
«birleshme uniwérsal heriket pilani» namliq yadro kélishimi, iranning yadro herikitini nazaret qilish we qéliplashturush, buning bedilige jazaning bikar qilinishini közlep, 2015 - yili birleshken döletler teshkilati xewpsizlik kéngishining daimiy ezaliri amérika, engiliye, firansiye, rusiye we xitay shundaqla gérmaniye we yawropa ittipaqi bilen iran otturisida imzalanghanidi.
amérika pirézidénti donald tramp hakimiyet béshigha chiqqandin kéyin, washingiton kélishimdin chékinip, irangha jaza yürgüzüshke bashlidi.
amérika, b d t xewpsizlik kéngishining 13 yildin buyan ijra qilinip kéliwatqan, 18 – öktebirde mudditi toshidighan qoral émbargosining mudditini uzartishni xalaydu.
