«IHH» süriyening afrin shehirige 1500 kishilik séghimchanliqqa ige jame sélip béridu
insan heqliri we hörriyetliri, insanperwerlik yardem fondi jemiyiti (IHH) süriyening afrin shehiride 1500 kishilik séghimchanliqqa ige «afrin zakirin ulu jamesi» ge ul saldi.
1461878
türkiye awazi radiyosi xewiri: insan heqliri we hörriyetliri, insanperwerlik yardem fondi jemiyiti (IHH) ning bayanatigha asaslanghanda, fondi jemiyetning muawin reisi erxan yemelek ul sélish murasimida jamening qurulishini bir yil ichide tamamlap ibadetke échishni pilanlighanliqini bildürdi.
erxan yemelek afrin sheher merkizide jamelerning intayin az ikenlikini bildürüp, «bolupmu yéqinqi ikki yildin béri afrinda berpa qilinghan tinchliqta türkiye döliti we ammiwiy teshkilatlirining shundaqla türkiye xelqining zor tirishchanliqi bar. biz bügün ulini salghan afrin zakir ulu jamesimu fondi jemiyitimizning bir layihesi süpitide barliqqa keldi» dédi.