bir qatar döletlerning hawa we déngiz armiyeliri qara déngizda herbiy manéwir ötküzüshni bashlidi
türkiyemu ishtirak qilghan «Sea Breeze-2020» namliq herbiy manéwir qara déngizda bashlidi.
türkiye awazi radiyosi xewiri: qara déngizda bashlanghan «Sea Breeze-2020» namliq herbiy manéwirgha türkiye bilen birlikte amérika qoshma ishtatliri, firansiye, norwégiye, roméniye, bulghariye, giruziye, ispaniye we ukrainadin 2 minggha yéqin eskerning ishtirak qilidighanliqi bildürüldi.
ukraina mudapie ministirliqi yazma bayanat élan qilip, wuxen wirusi (kowid – 19) sewebidin peqet déngiz we hawa qismila ishqa ashurulidighan mezkur herbiy manéwirda 20 din artuq urush paraxoti, ayropilan we tik uchar ayropilanning wezipe öteydighanliqini uqturdi.
«Sea Breeze-2020» namliq herbiy manéwirning nishani, qaradéngiz rayonida muqimliq we bixeterlikni kapaletke ige qilishtur» dégen ibarilerge orun bérilgen bayanatta, manéwirning 7 kün dawamlishidighanliqi eskertildi.
