amérikada jénidin ayrilghanlar 61 mingdin ashti

türkiye awazi radiyosi xewiri: wabaning merkizige aylanghan amérikada wuxen wirusi sewebidin jénidin ayrilghanlar 61 mingdin ashti.

massachusts (Massachussetts) ishtatida pénsiyonir eskerler turidighan sanatoriyede 70 kishining wuxen wirusi sewebidin jénidin ayrilghanliqi otturigha chiqqandin kéyin, zörür tedbirlerning élinmighanliqi gumani bilen tekshürüsh bashlandi.

pirézidént tramp waba sewebidin toxtatqan sayahetlirini kéler heptidin bashlap qaytidin bashlaydighanliqini élan qildi.

u wakséna tetqiqatliri üstide toxtilip: «waba yoqalsa, belikm waksénagha bolghan éhtiyajimiz qalmasliqi mumkin. elbette wakséna yasalsa qaltish ish bolghan bolidu» dédi.

u bir muxbirning, «undaqta, wakséna bolmisimu bu wirus özlikidin yoqilidu dep oylamsiz?» dégen soaligha: «bu wirus yoqilidu. künning biride bizdin pütünley ayrilidu, otturidin yoqitilidu» dep jawab berdi.

wuxen wirusining eng éghir tesirige uchrighan niyu jérséy ishtatid,a baghchilar we golf top meydanlirining kéler hepte axiri échilidighanliqi bildürüldi.

italiyede wuxen wirusi sewebidin jénidin ayrilghanlarning sani yéqinqi 24 saette 323 kishi éship 27 ming 682 ge chiqti. yuqumlanghanlar sanida, 548 kishi chüshüsh körüldi we 104 ming 657 ge töwenlidi.

italiye muawin sehiye ministiri piyerfawlo sileyri (Pierpaolo Sileri) wabagha munasiwetlik nurghun ölüm weqeliri körülgen yashanghanlar sanatoriyeliridiki tekshürüshlerde, her bir töt sanatoriyening biride belgilimilerge xilapliq qilinghan éghir qilmishlarning bayqalghanliqini bildürdi.

ispaniyede wuxen wirusi sewebidin jénidin ayrilghanlar yéqinqi 24 saette 268 kishi köpiyip 24 ming 543 ke chiqti.

firansiyede wuxen wirusi sewebidin jénidin ayrilghanlarning sani yéqinqi 24 saette 427 kishi éship 24 ming 87 ge chiqti. wirus bayqalghan kishilerning sani 626 kishi éship 198 ming 215 ke chiqti.

firansiye iqtisadi mushu yil (2020) ning deslepki charikide wabaning tesiride %5.8 töwenlep, ikkinchi dunya urushidin buyanqi eng töwen éshish körüldi.

engliyede doxturxanilar we sanatoriyelerde wuxen wirusi sewebidin jemiy 26 ming 97 kishining jénidin ayrilghanliqi élan qilindi. yéqinqi 24 saette yuqumlanghanlar 4 ming 76 kishi éship 165 ming 221 ge chiqti.

gérmaniyede yéngidin yette türkning jénidin ayrilishi bilen, bu dölette wuxen wirusi sewebidin jénidin ayrilghan jemiy türklerning sani 130 gha chiqti.  

kanadada wuxen wirusi sewebidin jénidin ayrilghanlar 3 ming 54 ke, yuqumlanghanlar 51 ming 231 ge chiqti.

awstiraliyening yéngi jenubiy gallér we tazmaniye ishtatlirida üch kishining wuxen wirusi sewebidin jénidin ayrilishi bilen, jemiy jénidin ayrilghanlar sani 91 ge chiqti. wirus bilen yuqumlanghan 6 ming 746 kishidin 5 ming 685 kishining salametliki yaxshilandi.

biraziliyede wuxen wirusi sewebidin jénidin ayrilghanlar 449 gha, yuqumlanghanlar sani 78 ming 162 ge chiqti.