afrinda térrorchilarning hujumi nurghun puqraning jénigha zamin boldi
bölgünchi térrorluq teshkilati p k k/y p g térrorchilirining tünügün süriyening afrin rayonida élip barghan bomba hujumida hayatidin ayrilghan puqralarning sani 11 i bala bolup 40 qa yetti.
türkiye awazi radiyosi xewiri: türkiye dölet mudapie ministirliqi teripidin bu heqte élan qilinghan yazma bayanatta mundaq déyildi: «térrorchilarning afrin sheher merkizide puqralar köp bolghan raju kochisida bomba qachilanghan néfit toshush aptomobili arqiliq élip barghan hujumida 11 balini öz ichige alghan 40 puqra qaza qildi, 47 puqra yarilandi.»
yene bir tereptin, «<tinchliq buliqi> herbiy herikiti» rayonida puqralarni nishan qilidighan shekilde kömüp qoyulghan mina pachaqlap tashlandi.
dölet mudapie ministirliqining ammiwi ortaqlishish tor béti Twitter sehipiside bu heqte élan qilinghan bayanatida mundaq déyildi: «bomba hujumliri arqiliq mesum puqralarni nishan qiliwatqan bölgünchi térrorluq teshkilati p k k/y p g térrorchiliri kömüp qoyghan minalarni pachaqlap tashlash paaliyetliri dawamlashmaqta. <tinchliq buliqi> herbiy herikiti rayonida puqralarni nishan qilidighan shekilde kömüp qoyulghan mina qehriman alahide qisimlirimiz teripidin pachaqlap tashlandi.»
