oqughuchilarning yaghliq chégishini cheklesh belgilimisige qarshi chiqqan mudir wezipisidin élip tashlandi
shiwétsiyede bir sheherlik hökümetning mekteplerde «yaghliq cheklesh» tüzümini ijra qilmighan mektep mudiri wezipisidin élip tashlandi.
türkiye awazi radiyosi xewiri: shiwétsiyening skoné rayoni skurup nahiyeside sheherlik hökümet teripidin yolgha qoyulghan mekteplerde yaghliq chégishni cheklesh qararini ijra qilmighan prastamossé mektipining mudiri mattias liédholm wezipsidin élip tashlandi.
shiwétsiye dölet téléwéziyesi – STV ning xewirige qarighanda, cheklime qararini eyiblep, ijra qilmighan liédholm, skurup sheherlik hökümet teripidin hoquqidin élip tashlanghan. STV ning soallirigha jawab bergen liédholm, «hazir bilidighinim, men bilen munasiwetlik tekshürüsh dawamlishiwatqan bir peytte hoquqtin yiraqlashturulushumdur» dédi.
skurup sheherlik hökümet mejlisi 5 ay ilgiri 13 yashtin kichik oqughuchilarning yaghliq chégishini chekligen, nahiyediki prastamossé mektipining mudiri mattias liédholm, «cheklimini étirap qilmaydighanliqini we öz mektipide uni tetbiqlimaydighanliqi»ni bildürgenidi.
u, qarargha boysunmaydighanliqini élan qilghandin kéyin ölüm tehditliri tapshurup alghanliqini uqturghanidi.
