hesen ruhani iranning tashqi qerzining azayghanliqini bildürdi

türkiye awazi radiyosi xewiri: iran pirézidénti hesen ruhani irangha émbargolar yürgüzüliwtqan bolsimu, iranning tashqi qerzining 12 milyard 400 ming dollardin 9 milyard 500 ming dollargha töwenligenlikini bildürdi.

shimaliy xorasan wilayitining shirwan shehirini ziyaret qilghan pirézidént hesen ruhani, iranning zor qiyinchiliqlarni bashtin kechürüwatqanliqini éytti.

pirézidént hesen ruhani, 14 aydin buyan amérika qoshma ishtatliri irangha émbargo yürgüzüp kéliwatqan bolsimu, 2017-yili iranning tashqi qerzining 12 milyard 400 ming dollardin 9 milyard 500 ming dollargha töwenligenlikini bildürdi.

iranning ornida bashqa bir dölet bolghan bolsa berdashliq bérelishining mumkin emeslikini ilgiri sürgen pirézidént hesen ruhani, iranning amérikagha izchil qarshiliq körsitip kéliwatqanliqini we washingiton hökümitining iran hökümitige qaratqan barliq siyasetlirining «meghlubiyet»bilen axirlashqanliqini éytti.

amérika dairlirining yürgüzüwatqan émbargoliri sewebidin iran qiyin ehwalgha chüshüp qalghan bolsimu, iran hökümitining chet ellikler we xelqara fondi teshkilatliridin iqtisadiy jehettin yardem telep qilmighanliqini éytqan hesen ruhani, iranda ishsizliq nsibitining bultur %12.1 ikenlikini, bu yil bolsa ishsizliq nisbitining %10.8 töwenlep, 321 ming kishining ishqa orunlashqanliqini bildürdi.