afrinda néfit aptomobili partlap nurghun adem öldi
süriyening afrin nahiyesi merkizide bomba qachilanghan néfit aptomobilining partlishi netijiside 11 puqra hayatidin ayrildi.
türkiye awazi radiyosi xewiri: melumatlargha qarighanda, süriyening afrin nahiyesi merkizide bomba qachilanghan néfit aptomobilining partlishi netijiside deslepki melumatlargha qarighanda 11 puqra hayatidin ayrilghan, onlarche puqra yarilanghan, partlashtin kéyin ot apiti yüz bergen, weqede éghir maddiy ziyan kélip chiqqan.
dölet xewpsizlik küchliri hujumni bölgünchi térrorluq teshkilati y p g/p k k térrorchilirining élip barghan bolush éhtimalliqi barliqini közde tutup, tekshürüsh élip bérishqa bashlighan.
türkiye armiyesi bilen erkin süriye armiyesi «zeytun shéxi» herbiy herikiti arqiliq afrinni bölgünchi térrorluq teshkilati y p g/p k k térrorchiliridin tazilighanidi. biraq nahiyening sherqiy jenubigha qarashliq tel rifet rayonida mewjudiyitini dawamlashturuwatqan bölgünchi térrorluq teshkilati, afringha pat - pat térrorluq hujumlirini élip barmaqta iken.
