tramp: afghanistandin esker chékindürüsh jehette endishilirim bar

türkiye awazi radiyosi xewiri: tramp amérika foks xewerler qanili bilen ötküzgen söhbiti jeryanida, afghanistandiki amérika eskerlirini chékindürüsh pilanini ijra qilishqa tosalghu bolidighan bir qatar mesililerning barliqini eskertti.

burunqigha oxshashla bu qétimmu afghanistandiki amérika eskerlirini chékindürüshni oylishiwatqanliqini tilgha alghan tramp, «eskerlirimizni chékindürüshni xalaymen, biraq (chékinishtin ilgiri) u yerde nahayiti küchlük bir istixbarat qaldurimen» dégenlerni qeyt qildi.

«u yerde yoshunurushqa bolidighan nurghun jay bar. (u yer) térrorchilargha nisbeten goya bir tejribixana. men u yerni térrorchilarning xarwardi deymen» dégen tramp, afghanistandin teyyarliqlarni toluq qilmay turup chiqip kétilgen teqdirde, dölette «térrorchi unsurlar» ning küchiyip amérikigha hujum qilish zéminigha ige bolushidin endishe qilidighanliqini sözlirige ilawe qildi.

afghanistan pirézidénti eshref ghéni rehberlikidiki hökümetke nisbeten éghir xewp peyda qiliwatqan taliban teshkilati hazirmu döletning köpligen rayonlirida höküm sürmekte.