amérika iranni agahlandurdi
amérika iranni chektin artuq qoyuqlandurulghan uran ishlepchiqarmasliq toghrisida agahlandurdi.
türkiye awazi radiyosi xewiri: amérika qoshma ishtatliri iranni yadro kélishimidiki uran ishlepchiqirishqa munasiwetlik maddigha xilapliq qilmasliq toghrisida agahlandurdi.
amérika qoshma ishtatliri ministirliqi bayanatchisi morgan ortagus kündilik waqiplandurush yighinida, téhran hökümitining uran ishlepchiqirish miqdarini ashuridighanliqi toghruluq bayanat bérishige munasiwetlik soralghan soalgha jawab bérip, iranning bu bayanatining «tehdit»ikenlikini éytti.
bayanatchi ortagus munularni bayan qildi: «pirézidént donald tramp bu sewebtin iran bilen hasil qilinghan yadro kélishimining ornigha yéngi we téximu yaxshi bir kélishim tüzüsh lazimliqini dep kéliwatidu, biz iranning yadro qoralliri ishlepchiqirishigha qarap turmaymiz, nawada iran hökümiti yadro qoralliri ishlepchiqirishqa tutush qilsa, amérika hökümiti tégishlik tedbirlerni alidu.»
iran atom énérgiyesi idarisi bayanatchisi behruz kemalwendi, 10 kündin kéyin qoyuqlandurulghan uran zapisining 300 kilogiramdin ashidighanliqini bildürüp, bu miqdarning yadro kélishimide körsitilgen uran ishlepchiqirish miqdaridin yuqiri ikenlikini éytti.
2015-yili hasil qilinghan yadro kélishimige köre, téhran hökümiti qoyuqlandurulghan uran miqdari 300 kilogiramdin ashqan teqdirde bularni chet elge yötkeshke mejbur iken.
iran pirézidénti hesen ruhani 8-mayda bayanat bergende, amérikaning irangha qaratqan émbargolirigha qarshi 60 kün ichide iranning yadro kélishimidiki menpeetliri muhapizet qilinmighan ehwalda qoyuqlandurulghan uran miqdarining ashurulidighanliqini bildürgenidi.
