amérika armiyeside yaghliq chégidighan ayalgha ayrimchiliq qilinghanliqi ilgiri sürüldi
amérika armiyeside kespiy esker süpitide wezipe öteydighan musulman ayalning yaghliqini éliwétishke urunulghanliqi seweblik armiye üstidin sotqa erz sunidighanliqi ilgiri sürüldi.
türkiye awazi radiyosi xewiri: amérika taratqulirining xewer qilishiche, kolorado ishtatidiki 704 – etretke yardem bérish bataliyonida wezipe öteydighan 26 yashliq kespiy esker kékilia woldaniwos 2016 – yili musulman bolghan.
bataliyon qomandanidin yaghliq chégish üchün mexsus ruxset alghanliqini tekitligen woldaniwos, 6 – mart küni ötküzülgen doklat bérsh yighini jeryanida péshqedem starshiy sérzhant kérstin montoyaning qolidin tutup sirtqa chiqarghanliqini we yaghliqini éliwétishke urunghanliqini ilgiri sürüp mundaq dégen: «manga nisbeten éytqanda, hemme ademning aldida kiyimlirini sélishni telep qilish bilen yaghliqimni éliwétishni telep qilishning qilche perqi yoqtur.»
diniy erkinlikining depsende qilinghanliqini eskertken woldaniwos, montoyaning özige aldi bilen «béshini téngiwalghan qiz» dep kemsitip xitab qilghanliqini qeyt qilish bilen bir waqitta, yene bir xizmetdishiningmu burun özige «térrorchi» dep xitab qilghanliqini, bu mesile sewebidin armiye üstidin sotqa erz sunidighanliqini tekitligen.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.
