yaponiye sherqiy xitay déngizidiki herbiy mewjudiyitini zoraytmaqta

türkiye awazi radiyosi xewiri: yaponiyening «‹ Kyodo› xewer agéntliqi» ning xewer qilishiche, yaponiye tashqi ishlar  weziri takéshi iwaya, igilik hoquq mesiliside   yaponiye bilen xitay otturisida talash – tartishlargha seweb boluwatqan yérim arallar jaylashqan sherqiy xitay déngizi we gherbiy tinch okyan rayonidiki ikki aralgha quruqluq armiye qismi bilen herbiy paraxotqa qarshi bashqurulidighan bomba sistémisi orunlashturulghanliqini eskertish bilen bir waqitta, 2250 herbiy xadimi bar bashqurulidighan bomba sistémisining yaponiyening |«kiyushu arili» ning sherqidin 400 kilométir yiraqliqtiki kagoshima rayonluq hökümetke qarashliq «amami – oshima arili» gha orunlashturulghanliqini, 400 kishiliq quruqluq armiye qismining bolsa, okinawa rayonluq hökümetke qarashliq «myako arili» gha orunlashturulghanliqini tekitlidi.

«miyako arili» ning jenubidin 100 kilométir yiraqliqtiki «ishigaki arili» ghimu bashqa bir qisim orunlashturushni pilanlawatqanliqlirini éytqan iwaya, mundaq dep körsetti: «yaponiyening mudapie liniyesi buningdin kéyin gherbiy jenub rayoni bolidu. bu dairide biz bu yerdiki herbiy qabiliyitimiz we herbiy mewjudiyitimizni zoraytimiz.»

melumatlargha qarighanda, miyako we ishigaki aralliri, tokyo hökümitining kontirolluqidiki, yaponlar «senkaku», xitaylar bolsa, «diyawyu» dep ataydighan, ikki dölet otturisida igilik hoquq mesiliside talash – tartishlargha seweb boluwatqan sherqiy xitay déngizigha jaylashqan taqim aralliri etrapigha jaylashqan. xitay herbiy paraxotlirining rayondiki arallarning etrapini közitishi ikki dölet otturisida  pat - pat sürkilishlerni keltürüp chiqarmaqta iken.

yaponiye hökümiti 1 – apréldin bashlap, ottura mezgillik dölet mudapiesi pirogrammisi dairiside, kelgüsi 5 yil ichide döletning jenubidiki yiraq arallardiki herbiy mewjudiyitini zoraytishni qararlashturghanidi.