«beshshar esed hakimiyiti yurtigha qaytqan süriyeliklerni qobul qilmaywatidu»
liwan bash ministiri seid heriri beshshar esed hakimiyitining yurtigha qaytmaqchi bolghan süriyelik köchmenlerni qobul qilmaywatqanliqini éytti.
türkiye awazi radiyosi xewiri: liwandiki barliq siyasiy küchlerning süriyelik köchmenlerning yurtigha qaytishini xalaydighanliqini éytqan heriri, süriyeliklerge puqraliq bérishke alaqidar dewalarni qetiy ret qildi.
süriyelik köchmenlerning öz ixtiyarliqi bilen yurtigha qaytishigha alaqidar tizimlikni beshshar esed hakimiyitige bergenlikliklirini qeyt qilghan heriri, biraq bu tizimliktikilerning azghinisidin bashqilarning qobul qilinmighanliqini tekitlidi.
liwan ijtimaiy ishlar ministiri rishard kayumjiyan, süriyeliklerning yurtigha qaytishi üchün jamaet xewpsizliki bash idarisining xizmet ishligenlikini, lékin, beshshar esed hakimiyitining yurtigha qaytmaqchi bolghanlarning peqet % 20 tinila qobul qilghanliqini jakarlighanidi.
liwanning resmiy melumatlirigha qarighanda, 2011 – yili partlighan ichki urush sewebidin süriyelik texminen 1.5 milyon köchmen liwangha köchüp ketken.
birleshken döletler teshkilatining melumatlirigha qarighanda, ichki urush sewebidin liwangha köchüp ketken süriyelik köchmenlerning sani 1 milyondin töwen iken.
birleshken döletler teshkilati musapirlar mehkimisining komissari filippo grandi, 9 – mart küni liwanda ziyarette bolghanda bergen bayanatida, hökümet dairilirining hazirghiche 165 ming süriyelikning yurtigha qaytqanliqi toghruluq melumat bergenlikini éytqanidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
