amérika süriyedin bir qisim herbiy eslihelirini qayturup kétishke bashlidi
amérika qoshma ishtatliri dölet mudapie ministirliqi süriyediki bir qisim herbiy eslihelirini qayturp kétishke bashlighanliqini jakarlidi.
türkiye awazi radiyosi xewiri: amérika qoshma ishtatliri dölet mudapie ministirliqining ismini ashkarilashni xalimighan bir emeldari, herbiy heriket endishiliri sewebidin qayturup kétilishke bashlighan herbiy eslihelerning türi we orni heqqide melumat bermidi.
amérikining «‹ CNN › téléwiziye qanili» bolsa, amérika qoshma ishtatliri merkiziy qomananliq ishtabining herbiy eslihelerni qayturup kétishte ishlitilidighan paraxot we ayropilanlarning belgilep chiqilghanliqini ilgiri sürdi.
amérika qoshma ishtatliri pirézidénti donald trampning 2018 – yili 19 – dékabir künidiki qararidin kéyin, amérika eskerlirining süriyedin esker chékindürüsh basquchi bashlanghanidi. trampning bu qarari dölet mudapie ministiri jeyms mattisning wezipisidin istépa bérishige seweb bolghanidi.
mattis 1 – yanwar küni wezipisidin istépa bérishtin birqanche kün burun amérika armiyesige chékinish toghruluq buyruq chüshürgenidi.