rusiye « BBC » ni daéshni qollash bilen eyiblidi
rusiye hökümiti « BBC » ning rusiye shöbisidin daéshning teshwiqatigha munasiwetlik xewerlerning tépilghanliqini ilgiri sürdi.
türkiye awazi radiyosi xewiri: rusiye engliyediki chong taratqu orgini « BBC » ning térrorluq teshkilati daéshni qollap pirogramma tarqatqanliqini ilgiri sürdi.
rusiye fédratip uchur-alaqe téxnologiye we ammiwi uchurlishish nazaret idarisi bu heqte bayanat élip qilip , rusiyedimu tarqitish élip baridighan « BBC » ning intérnét sehipisi üstide tekshürüsh élip bérilghanliqini bildürdi.
tekshürüsh xizmitide « BBC »ning arxiplirida xelqara térrorluq teshklatlirining idiologiyesini tarqatqan xewerlerning tépilghanliqi ilgiri sürülgen bayanatta, xewerlerge térrorluq teshkilati daésh kattibéshi el baghdadining sözlirining neqil qilinghanliqi bildürüldi.
« BBC » rusiye shöbesining 16-yanwarghiche médiya qanunigha riaye qilghanliqini ispatlap béridighan matériyallarni «roskomnadzor»gha tapshurushi kérekliki eskertilgen bayanatta, « BBC » téléwiziye qanilining pirogrammiliriningmu izchil nazaret qilinidighanliqi qeyt qilindi.
bayanatta « BBC » téléwiziye qanilining 14-yanwardin 31-yanwarghiche keng kölemlik tekshürülidighanliqi eskertildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
