исираилийә урушқа тәййарлиқ қиливатамду?
америка сүрийәдин чекинишни қарар қилғандин кейин, исираилийәниң районда кәң көләмлик бир урушқа тәййарлиқ қиливатқанлиқи илгири сүрүлди.
түркийә авази радийоси хәвири: русийәдә чиқидиған «независимийа гезити», американиң әскәрлирини сүрийәдин чекиндүрүши билән, исираилийәниң иранға қарши йалғуз қелишқа мәҗбурланғанлиқини хәвәр қилди.
мәзкур гезит, исираилийәниң сабиқ дөләт мудапиә министири авигдор лииберманниң бу һәқтә ейтқан: «американиң сүрийәдин чекиниши, шималда, ливанда йаки сүрийәдә кәң көләмлик тоқунуш йүз бериш еһтималини күчәйтиду» дегән сөзлиригә орун аҗратти.
гезит йәнә, русийәниң һәрбий мутәхәссиси йури лиаминниң америка пирезиденти доналд трампниң сүрийәдин чекиниш қарарини, иранға берилгән «очуқ чәк» дәп чүшәнмәслик керәклики һәққидә ейтқан сөзлиригиму орун аҗратти.
америка пирезиденти доналд трамп өткән һәптә америка әскәрлириниң сүрийәдин чекинидиғанлиқини җакарлиған иди.
