bügün süriye asasiy qanun komitéti qurush toghrisida qarar chiqirilidu

türkiye awazi radiyosi xewiri: süriyediki kiriziske hel qilish charisi tépish meqsitide élip bériliwatqan xizmetler dairiside muhim qedemler tashlanmaqta.

türkiye, rusiye we iran tashqi ishlar ministirliri bügün shiwétsariyening jenwe shehiride körüshidu.

yighinda asasiy qanun komitéti qurush toghrisida qarar chiqirilishi mölcherlenmekte.

tashqi ishlar ministiri mewlüt chawushoghlu jenwediki b d t ishxanisida rusiye tashqi ishlar ministiri sérgéy lawrow we iran tashqi ishlar ministiri jewad zarif bilen körüshidu.

b d t süriye alahide wekili sitaffan dé mistura riyasetchilik qilidighan yighinda, asasiy qanun komitéti qurush toghrisida qarar chiqirilidighanliqi bildürüldi.

150 shexstin teshkil tapidighan asasiy qanun komitétida esed hökümiti we öktichiler teripidin békitip bérilidighan kishilerdin sirt süriyelik ziyali we ammiwi teshkilatlarning wekillirimu orun alidu.

istanbulda bu yil 27-öktebirde jumhur reis rejep tayyip erdoghan bashchiliqida chaqirilghan süriye aliy rehberler yighinida türkiye, rusiye, gérmaniye we firansiye qatarliq döletler asasiy qanun komitétining 31-dékabirghiche qurulushi toghrisida birdeklik hasil qilghanidi.