Brexit kélishimi qayta muzakirege qoyulmaydu

türkiye awazi radiyosi xewiri: bélgiye paytexti biryusséldiki yawropa ittipaqi rehberler yighinidin kéyin élan qilinghan «Brexit» kélishimige munasiwetlik xulase xitabnamiside, eza döletlerning burun qobul qilinghan 585 betlik «chékinish kélishimi» ni qollaydighanliqi we buning testiqlinish basquchining dawam qilidighanliqi eskertildi.

xitabnamide, kélishimning «qaytidin muzakirege qoyulmaydighanliqi» alahide eskertilip, mundaq déyildi:

«yawropa ittipaqi kéngishi engliye bilen kélechekte mumkin bolghan eng yuqiri sewiyede hemkarliq ornitish arzusini tekrarlaydu. yawropa ittipaqi ezaliri chékinish kélishimi imzalanghandin kéyin derhal teyyarliqlarni bashlaydu we buninggha teyyar halette. engliye ittipaqtin chékingendin kéyin, muzakirelerning eng qisqa waqit ichide bashlinishi kapalet astigha élinidu.»

xitabnamide, yawropa ittipaqigha eza irélandiye jumhuriyiti bilen engliyening bir parchisi hésablinidighan shimaliy irélandiye otturisida, engliye ittipaqtin chékingendin kéyin chégra xizmetliri peyda bolushining aldini élishni meqset qilghan tedbir maddisigha munasiwetlik mundaq déyildi:

«yawropa ittipaqi kéngishi tedbir maddilirining irélandiye arilida konkrét chégra xizmetliri peyda bolushigha qarshi we bir bazar pütünlükini kapaletke ige qilish üchün, birla parche sughurta taloni qilip layihelengenlikini eskertidu.»

xitabnamide, yawropa ittipaqining tedbir maddilirining ijra qilinmasliqi üchün 2020-yili 31-dékabirdin kéyinki munasiwetlerni tertipke salidighan oxshimighan maddilarni öz ichige alghan kélishim üchün xizmetlerning hem téz hem zich ishlinishide qetiy qarargha ige ikenliki eskertildi. bu heqte mundaq déyildi:

«yawropa ittipaqi kéngishi eger tedbir maddisi ijra qilinsa konkrét chégra peyda bolushining aldini élishni kapaletke ige qilghan kélishim tüzülgiche waqitliq ijra qilinidighanliqini eskertidu. bu ehwalda, ittipaq tedbir maddisining ornigha qoyulidighan kélishimni muzakire qilip, xulasilesh üchün tirishchanliq körsitidu.»

Brexit kélishimining «tedbir maddisi» boyiche pütkül engliye, éniq bolmighan bir mezgil üchün yawropa ittipaqi bilen tamozhna ittipaqi ichide bolidu. engliye öz aldigha chékinishini chekleydighan mezkur kélishim, engliyening bezi yawropa ittipaqi qaidelirige dawamliq boysunishini telep qilidu.