afghanistanda adem bomba hujumi yüz berdi
afghanistanning paytexti kabulning shimalidiki eng chong hawa armiye bazisi – bagramgha yéqin jayda adem bomba hujumi yüz berdi.
türkiye awazi radiyosi xewiri: afghanistanning paytexti kabulning shimalidiki eng chong hawa armiye bazisi – bagramgha yéqin jayda shimaliy atlantik ehdi teshkilati – nato küchlirige qarshi élip bérilghan adem bomba hujumida ikki puqra jénidin ayrildi.
perwan jamaet xewpsizlik idarisi mudiri mehfuz welizade, bir adem bomba hujumchisining bedinige téngiwalghan bombini bagram hawa armiye bazisigha yéqin yerdin ötüwatqan nato aptomobillirigha yéqinliship partlatqanliqini, hujumda ikki puqradin jénidin ayrilghanliqini, üch nato eskiri bilen ikki puqraning yarilanghanliqini eskertti.
bu weqe toghrisida afghanistandiki nato küchliri hazirghiche héchqandaq bayanat bermidi. biraq, hujumning jawabkarliqini üstige alghan taliban teshkilati, weqede amérika eskerlirining ölgenlikini ilgiri sürdi.
