xelqara atom énérgiyesi orgini: iran kélishimge riaye qildi
xelqara atom énérgiyesi orgini iranning «keng dairilik heriket pilani» dep atalghan «yadro kélishimi» ning shertlirige riaye qilghanliqini bildürdi.
türkiye awazi radiyosi xewiri: xelqara atom énérgiyesi orginining iranning yadro paaliyetliri toghruluq éladn qilghan doklatida, teptishlerning «yadro kélishimi» we qoshumche kélishim layiheliri dairiside iranda tekshürülüshke tégishlik barliq muesseselerni tekshürüsh pursitige érishkenliki eskertildi.
teptishlermu téhranning éghir su we töwen sewiyediki qoyuqlashturulghan uran ambarlirining kélishim dairiside belgilengen miqdarda qalghanliqini jezmleshtürdi.
iran bilen birleshken döletler teshkilati xewpsizlik kéngishining 5 daimiy ezasi (amérika qoshma ishtatliri, engliye, xitay, firansiye we rusiye) bilen gérmaniye otturisida «keng dairilik heriket pilani» dep atalghan «yadro kélishimi», 2015 – yili 14 – iyun küni awistiriyening paytexti wiyanada imzalanghanidi.
amérika qoshma ishtatliri pirézidénti donald tramp dölitini iran bilen tüzülgen «yadro kélishimi» din chékindürüp, téhrangha 7 – awghust émbargo yürgüzüshke bashlighanidi.
igilinishiche, «yadro kélishimi» ni imzalanghan bashqa terepler bilen iran kélishimge dawamliq riaye qilidighanliqlirini ipadilep kelmekte iken.
