хитай һәрбий парахотлири талаш - тартишлиқ тақим араллириға кирди
хитай армийәсигә тәвә 3 парахот шәрқий хитай деңизидики йапонийә билән талаш - тартишлиқ тақим араллири деңиз тәвәликигә кирди.
йапонийәниң кийодо агентлиқиниң йапонийә деңиз саһили бихәтәрлик иштабидин елан қилинған байанатни мәнбә қилған хәвиридә, хитайға тәвә 3 парахотниң шәрқий хитай деңизидики талаш – тартишла аралларниң әтрапида көрүлгәнлики билдүрүлди.
байанатта хитай парахотлириниң әтигән сәһәрдә аралларниң әтрапида тәхминән 1 йерим саәт турғанлиқи қәйт қилинди.
шәрқий хитай деңизида йапонийә «синкаку», хитай болса, «дайу» дәп атлайдиған 5 арал вә 3 қийалиқтин тәшкил тапқан тақим араллири болуп, икки дөләт оттурисида узундин буйан игилик һоқуқи талаш - тартиш қилинип кәлмәктә.
йапонийә һеч киши йашимайдиған бу аралларниң өзигә тәвә икәнликини илгири сүрүп, хитайни бу йәргә көзәткүчи парахотларни йоллаш арқилиқ йапонийә деңиз тәвәлики һоқ - һуқуқиға таҗавуз қилиш билән әйиблимәктә.
бу тақим аралириниң әтрапида чарлаш үчүн чиққан йапонийә пархоти билән хитай парахотлири пат – пат бир – биригә агаһландурушларни йоллап туриду.
