gérmaniye térrorluq heriketlirige qarshi turushi kérek

türkiye awazi radiyosi xewiri: bérlin ishtatining maslishish ishlirigha mesul xadimi andriyas germesxawzin gheyindorf nahiyesidiki koja sinan jamesige hujum qilish weqesi toghrisida yazma bayanat élan qildi. u mezkur weqe üstide toxtilip: «gérmaniye hoshiyar bolushi we térrorluq heriketlirige qarshi turushi kérek» dédi.

germesxawzin yazma bayanatida, gheyindorf nahiyeside bir jamege ot qoyup bérilgenlikidin we bashqa sheherlerde yüz bergen oxshash hujumlardin nepret qilidighanliqini we qattiq chöchigenlikini bildürdi.

u weqelerning siyasiy arqa pilanining muhim emeslikini eskertip: «kim bolushidin qetiynezer ibadetxanilargha ot qoyup berse, uning bir meqsiti bar. u bolsimu, qorqunch peyda qilish, kishilerni zériktürüsh, xelqning bir qismini qorqitish» dédi.

u bérlinda ötmüshte sinagoglarning köydürüp öltürülgenlikini xatiriletti we bügünki künde hökümetning barliq ibadet jaylirini qoghdash mejburiyitining barliqini qeyt qildi.

u gérmaniye ichki ishlar ministirliqining 2017-yili musulmanlargha we jamelerge 950 din artuq hujum qilish weqesining yüz bergenlikini élan qilghanliqini bildürüp, yéqinqi künlerde yüz bergen hujumlarning arqisida kimlerning barliqining éniq emeslikini eskertti.

u bashqa döletlerdiki ixtilaplarni bu döletke sörep ekelmekchi bolghan kishilerning barliqini؛ ularning kishilerning jemiyette birlikte yashishigha qarshi ikenlikini tekitlidi we mundaq dédi:

«irqchilargha opmu oxshash, bu weqelerde jinayetchilerning kim ikenliki muhim emes, saqchi bilen sotning bu térrorluqqa shiddet bilen qarshi chiqishi lazim.»