iran muawin pirézidénti, yaghliqning bésim arqiliq muhapizet qilinishigha qarshi ikenlikini éytti
iran muawin pirézidénti mesume ibtikar, dölet tewelikide yaghliqning bésim we zorawanliq yoli bilen muhapizet qilinishigha qarshi ikenliklirini bildürdi.
türkiye awazi radiyosi xewiri: iran pirézidénti hesen ruhanining ayallar we aile ishlirigha mesul muawini mesume ibtikar, ayallar bayrimi munasiwiti bilen téhranda muxbirlarni kütüwélish yighini ötküzüp, iranliq we chet ellik muxbirilarning soallirigha jawab berdi.
yaghliqning iranda bir qanuniy mejburiyet ikenlikini xatirilitip ötken ibtikar, buning ijtimaiy jehette suyiistémal qilinishining aldini élish üchün, inqilabtin kéyin xelqning telipige asasen yolgha qoyulghanliqini ilgiri sürdi. u, yaghliq mesilisi yüzisidin tutqun qilinish ehwalliri toghrisida toxtilip, «yéngi ewladlar bilen bu heqte téximu yaxshi pikirlishish we yashlarning teleplirining diqqetke élinishi kérek, dep qaraymen» dédi.
iranda yaghliqning bésim zorawanliq arqiliq muhapizet qilinishigha qarshi ikenlikini bildürgen ibtikar, ayallarning erliridin ruxset almastinla chet ellerge chiqalishi üchünmu diniy qatlamlar we ölimalar bilen körüshüwatqanliqini, bularning hökümetni aldinqi qatardiki mesililiri ikenlikini sözlirige ilawe qildi.
