heriri seudi erebistangha yürüp ketti
liwan bash ministiri seid heriri, seudi erebistanning teklipige binaen riyadqa qarap yürüp ketti.
türkiye awazi radiyosi xewiri: liwan resmiy xewer agéntliqi – NNA ning xewer qilishiche, bash ministir heriri padishah selman bin abdulezizning teklipige binaen liwandin seudi erebistangha qarap yürüp ketken.
liwan bash ministiri seid heririning seudi erebistanda padishah selman we text warisi shahzade muhemmed bin selman bilen körüshüshi kütülmekte.
xewerde, ziyaretning mudditi we muzakire qilinidighan mesililer toghrisida héchqandaq melumat bérilmidi.
bash ministir heriri, seudi erebistandin teklipname tapshurup alghanliqini we eng qisqa waqit ichide bu dölette ziyarette bolidighanliqini bildürgenidi.
seid heriri, 2017 – yili 4 – noyabirda seudi erebistanning paytexti riyadta wezipisidin istépa bergenlikini élan qilghan, istépa nutqida «hizbullah we iranning rayonni muqimsizlashturghanliqi» ni bildürgen we özige suyiqest qilinish éhtimali barliqidin endishe qiliwatqanliqini tilgha alghanidi.
aridin 17 kün ötkendin kéyin dölitige qaytip, istépasini qayturup alghan heririning, seudi erebistanda görüge éliniwélinip istépa bérishke mejburlanghanliqi ilgiri sürülgenidi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.