shimaliy koréye amérikaning qararigha derhal jawab qayturdi

türkiye awazi radiyosi xewiri: shimaliy koréye tashqi ishlar ministirliqi amérikaning shimaliy koréyeni térrorluqni qollighan döletler tizimlikige kirgüzgenlikige naraziliq bildürdi. shimaliy koréye agéntliqining xewiride körsitilishiche, shimaliy koréye tashqi ishlar ministirliqi bayanatchisi piyongyangning térrorluq bilen héchqandaq alaqisining yoqluqini eskertip, trampning qararini «chong ighwagerchilik» we «shimaliy koréyege wehshiylik bilen parakendichilik sélish» dep baha bergen.

shimaliy koréye bayanatchisi, amérikaning bu herikitini piyongyangning özini washingtonning düshmenlikidin qoghdash üchün yadro qoralini tereqqiy qildurushni dawamlashturushi kéreklikini körsitip béridighanliqini eskertti we shimaliy koréyening yadro küchini téximu kücheytishni dawamlashturidighanliqlirini bildürdi. bayanatchi: «amérika shimaliy koréyege hörmetsizlerche qilinghan ighwagerchilik keltürüp chiqiridighan barliq aqiwetlerge mesul bolidu» dédi.

amérika hökümiti düshenbe (20-noyabir) küni, yeni aridin toqquz yil ötkende shimaliy koréyeni «térrorluqni qollighan döletler» tizimlikige kirgüzgen idi. tizimlikke iran, sudan we süriyemu kirgüzüldi.

amérika xezine ministirliqi tünügün (21-noyabir) shimaliy koréyening soda paaliyetlirige cheklime qoyush üchün xitayning üch shirkiti we bir puqrasini öz ichige alghan jemiy 13 shirket hemde 20 paraxotqa émbargo yürgüzüshni qarar qilghanliqini élan qilghan idi. bu heqtiki bayanatta, émbargolarning shimaliy koréyening qanungha xilap balistik bashqurulidighan bomba we yadro qoral tereqqiy qildurush pirogrammilirigha gheyriy resmiy yollardin qiliniwatqan maliye yardemlirini késip tashlash meqsitige ige ikenliki eskertilgen idi.