péntagon «sewenlik bilen» puqralargha hujum qilghanliqini étirap qildi
amérika qoshma ishtatliri mudapie ministirliqi (péntagon), afghanistanda térrorchilargha hawadin zerbe bérish herikiti jeryanida, sewenlik bilen puqralarni bombardiman qilghanliqini étirap qildi.
türkiye awazi radiyosi xewiri: amérika we ittipaqdashlirining afghanistandiki qarargahi bayanat élan qilip, térrorchilargha qarshi élip bérilghan hawa hujumida puqralarning talapetke uchrighanliqini, weqening kabul ayrodurumigha yéqin jaygha hujum qilghan térrorchilarni chékindürüsh meqsitide élip bérilghan hawa hujumi esnasida yüz bergenlikini uqturdi.
bayanatta, «(afghanistan xewpsizlik küchlirige) yardem qilghuchi amérika eskerliri hawadin zerbe bérish herikiti élip bardi. epsuski, bombilardin biri normal ishlimey, kishilerge ziyan yetküzdi. qetiy irade bilen yardem qilish qomandanliqi, puqralarning talapetke uchritilghanliqidin chongqur epsuslanmaqta» déyildi.
afghanistan taratquliri, amérikining hawa hujumida bir kishining ölgenliki, 4 kishining yarilanghanliqini xewer qildi.
