iran amérikigha heywe körsetti
iran amérika émbargo qoyushni dawamlashturghan teqdirde uran qoyuqlandurushni tézleshtüridighanliqini bildürdi.
türkiye awazi radiyosi xewiri: iran atom énérgiyesi idarisi bashliqi eli ekber salihi mundaq dédi: «pütün küchimiz bilen tirishsaq, eng az 5 kün ichide yadro bazisida uranni %20 etrapida qoyuqlandurughili bolidu.»
salihi sözini dawamlashturup mundaq dédi: «yadro kélishimi hasil qilish üchün zor tirishchanliq körsetkenlikimizdin, bundaq ishning yüz bérishini xalimaymiz, elwette.»
iran pirézidénti hesen ruhanimu ötken hepte amérika yéngi émbargolar qoyghan teqdirde 2015-yili hasil bolghan yadro kélishimini qisqa waqit ichide bikar qiliwétidighanliqlirini bildürüp amérikini agahlandurghanidi.
iran 2015-yili rusiye, engliye, gérmaniye, firansiye, xitay we amérika bilen muzakire ötküzüp yadro kélishimi hasil qildi, bu kélishimning netijiside uran qoyuqlandurush sewiyesini %5ning astida tutup turushni qobul qildi, buning bedilige irangha qaritilghan émbargolarning yiniklitilidighanliqi toghruluq wede bérildi.
