kabuldiki partlashta 35 adem öldi, 400 din artuq adem yarilandi
afghanistanning paytexti kabulning gherbidiki köp sanliq ahalisi shielerdin teshkil tapqan bir mehellide nahayiti shiddetlik bir aptomobil bomba hujumi yüz berdi.
türkiye awazi radiyosi xewiri: afghanistan paytexti kabulda yüz bergen adem bomba hujumida hayatidin ayrilghanlarning sani 35 ke yetti, 400 din artuq adem yarilandi.
afghanistan ichki ishlar ministirliqi bayanatchisi, hujumchining aptomobil bombini kabulning gherbidiki köp sanliq ahalisi shielerdin teshkil tapqan bir mehellide, meden ishliri ministirliqi xadimliri olturghan bir aptobusning yénida partlatqanliqini bildürdi.
yarilanghanlarning arisida köp sanda kichik balidin bashqa, partlash yüz bergen jaygha yéqin yerde öyi bolghan afghanistan ijraiye orginining muawin bashliqi haji muhemmed muheqqiqining muhapizetchiliriningmu barliqi bildürüldi.
hujumning jawabkarliqini üstige alghan talibanning eslidiki nishanining dölet bixeterlik idarisi xadimliri ikenliki ilgiri sürüldi.
hujumda etraptiki binalarning eynekliri chéqilip ketti, 3 aptomobil pütünley kardin chiqti.
igilinishiche, afghanistanning aldinqi qatardiki köpligen siyasiy rehberliri paytext kabulning gherbiy qismida yashaydiken.
