«insan heqlirige munasiwetlik qanungha tüzitish kirgüzimiz»
engliye bash ministiri tirésa méy insan heqlirige munasiwetlik qanungha tüzitish kirgüzülidighanliqini bildürdi.
türkiye awazi radiyosi xewiri: engliye bash ministiri tirésa méy térrorizimgha qarshi küresh üchün zörür tépilsa insan heqlirige munasiwetlik qanunlargha tüzitish kirgüzülidighanliqini éytti.
méy ete ötküzülidighan omumiy saylamlar toghruluq söz qilghanda bixeterlik üstide alahide toxtaldi.
«térror gumandarlirini chégradin qoghlap chiqirish, xeterlik turupmu sotlanmighan unsurlarning erkinlikini cheklesh»üchün insan heqlirige munasiwetlik qanungha tüzitish kirgüzülidighanliqini alahide eskertken méy mundaq dédi: «eger insan heqliri qanunliri bularni qilishimizgha tosalghu bolidighan bolsa, biz bularni özgertimiz. eger peyshenbe küni engliyening bash wezirlikige qaytidin saylansam buninggha munasiwetlik xizmetlerni jüme küni bashlaymen.»
tirésa méy «térrorizim»qilmishliri bilen eyiblinip qamaq jazasigha höküm qilinghanlarning jaza mudditini téximu uzartishqa oxshash siyasetlerning yürgüzülidighanliqinimu éytti.
engliyede bu yil marttin hazirghiche üch térrorluq hujumining yüz bérishi hökümet bilen xewpsizlik küchlirini tenqid obyéktigha aylandurup qoyghanidi.
öktichiler hökümetni 200 ming saqchini ishtin chiqirish bilen eyiblimekte.
tirésa méy londonda shenbe küni kechte 7 ademning ölümige, 48 ademning yarilinishigha seweb bolghan hujumdin kéyin radikal idiologiyelerge «heddin ziyade yol qoyulghanliqini» alahide eskertip mundaq dégenidi: «boldi bes deydighan peyt yétip keldi.»
BBC ning siyaset sehipisi tehriri lawra kuénsbéérg bezi menbelerning méyning kochigha chiqishni cheklesh, ziyaretchilerge cheklime qoyush we gumandarlarning alaqilishish wastilirini chekleshke oxshash tedbirler aldighanliqini bildürgenlikini qeyt qildi.
مۇناسىۋەتلىك خەۋەرلەر
nigériyede bir jamede partlash yüz bérip 11 adem qaza qildi
nigériyening kano ölkisidiki bir jamede yüz bergen partlashta 11 adem hayatidin ayrildi.
