amérikida ikki qiz bala kiyimliri sewebidin ayropilangha chiqirilmidi
amérikining eng chong hawa yolliri shirketliridin biri bolghan yunaytid hawa yolliri shirkiti (United Airlines), tar kiyim kiygen ikki qiz balining ayropilangha chiqishigha ruxset qilmidi.
türkiye awazi radiyosi xewiri: amérikida ikki qiz balining kiyimlirining belgilimige uyghun emesliki sewebidin ayropilangha chiqirilmighanliqi bildürüldi. amérika taratquliridiki xewerlerde éytilishiche, dénwér xelqara ayrodurumidin minnéyapolis shehirige barmaqchi bolghan ikki qiz bala, kiyimlirining belgilimige «uyghun emesliki» sewebidin ayropilanghan chiqirilmighan.
hawa yolliri shirkiti mesulining bildürüshiche, yoluchilarning kiyimlirini almashturushi yaki tar kiyimlirining üstige bashqa kiyim kiyishi telep qilinghan. tar kiyim kiyiwalghan bashqa yoluchi kiyimini almashturghandin kéyin, ayropilangha chiqishigha ruxset qilinghan.
yunaytid hawa yolliri shirkiti ijtimaiy taratqularda naraziliqlarning küchiyishidin kéyin, ayropilangha chiqirilmighan yoluchilarning bélitidiki «kiyim-kéchek belgilimisige uyghun emesliki» toghrisida bayanat élan qilghan.
