israiliye eskerliri 1400 yilliq musulmanlar qebristanliqini chéqip tashlidi

türkiye awazi radiyosi xewiri: sherqiy quddustiki 1400 yilliq «babul rehme» namliq musulmanlar qebristanliqida nurghun sandiki qebriler israiliye tebietni qoghdash we baghcha ishliri idarisi teripidin chéqip tashlandi.

musulmanlar qebristanliqini qoghdash komitéti bashliqi mustafa ebu zehra bayanat élan  qilip: «israiliye eskerlirining qoghdishi astida «babul rehme» musulmanlar qebristanliqigha kirgen israiliye tebietni qoghdash we baghcha ishliri idarisi xadimliri bu yerdiki nurghunlighan qebrilerni chéqip tashlidi» dédi.

ebu zehra «babul rehme»ning weqip zémini üstige qurulghan we yüzligen pelestinlik depne qilinghan 1400 yilliq tarixqa ige musulmanlar qebristanliqi ikenlikini eskertti. israiliye mesullirining bolsa, bu yerning paghcha zéminigha tewe ikenlikini ilgiri sürgenlikini tilgha élip, «ular örüp tashlighan qebrilerning yérining baghcha ishliri idarisigha tewe zémin ikenlikini ilgiri sürmekte. biraq «babul rehme» weqip zémini üstige qurulghan qebristanliqtur we musulmanlarghila aittur» dédi.

yene bir tereptin mesjidi eqsaning mudiri we bash imami sheyx ömer el kiswanimu musulmanlar qebristanliqida yüz bergen qilmishlarni qattiq eyibldi.