firansiye pirézidénti bixeterlik boshluqi barliqini étirap qildi
fransua oland, yawropa chimpiyonluqni talishish putbol musabiqisi – EURO 216 ning bixeterlikining hélihem xewp astida ikenlikini éytti.
türkiye awazi radiyosi xewiri: firansiye pirézidénti fransua oland, döliti sahibxanliq qilidighan yawropa chimpiyonluqni talishish putbol musabiqisi – EURO 216 ning bixeterlikining hélihem xewp astida ikenlikini éytti. oland ‹intér radiyo› qaniligha bayanat bérip, «EURO 2016 tehdit astida we epsuski bu tehdit téximu uzun dawamlishishi mumkin» dédi.
EURO 2016 ning utuqluq ötküzülüshi üchün bixeterlikni kapaletke ige qilishliri kéreklikini tekitligen oland, «EURO 2016 adettin tashqiri bolidu. bu musabiqige sahibxanliq qilishimizni dawamlashturushni qarar qildim. musabiqining bayram keypiyati ichide ötüshi we utuqluq bolushi üchün pütün küchimizni we imkaniyetlirimizni seperwer qilimiz» dégenlerni qeyt qildi.
EURO 2016 putbol musabiqiliri 10- iyundin 10- iyulghiche bolghan ariliqta firansiyede ötküzülidu.
