bélgiye türkliri chédir quridu
bélgiyede yashawatqan türkler térroristlarning chédirining heqiqiy epti – beshiresini ashkarilash üchün biryussélda chédir quridu.
türkiye awazi radiyosi xewiri: yawropada keng heriket qilish imkaniyitige ige bolghan térrorluq teshkilati p k k ning qanliq yüzini ashkarilimaqchi bolghan bélgye türkliri biryussélda chédir quridu. yawropa türk démokratlar birliki (UETD) ning bélgiye shöbisining bashliqi basir hamarat, peyshenbe (31 – mart) küni yawropa parlaméntining qarshisida chédir quridighanliqlirini bildürdi. u p k k ning térrorluq hujumliri seweb bolghan weyranchiliqlarni xelqqe chüshendüridighanliqlirini eskertti. u mundaq dédi:
«p k k saqchilirimiz we eskerlirimiznila shéhit qilmaywatidu, enqerediki térrorluq hujumida ana qorsiqidiki bowaqnimu saq qoymidi. sheherlerde adem bomba hujumliri bilen xelqni we puqralarni nishangha aldi, bigunah kishilerning jénigha zamin boldi. yene kélip, buni birinchi qétim qilmidi. yillardin buyan kishilerni wehshiylerche öltürüwatidu. bularning hemmisini chüshendürüsh we bildürüsh kérek» dédi.
u chédirning üstige térrorluq teshkilatining hujumlirida shéhit bolghan esker – saqchilar we puqralarning resimlirini qoyidighanliqlirini, shundaqla bélgiye, firansiye we pakistandiki térrorluq hujumlirida hayatidin ayrilghanlarning resimlrinimu untup qalmaydighanliqlirini bildürdi. u: «térrorluq qurban ayrip olturmaydu, p k k we daéshning hujumlirida shéhit bolghanlarning resimlirini yanmu yan qoyup körsitimiz» dédi.
