чамлиҗа җамәсии

дунйа бойичә әң чоң җамәләрдин бириниң истанбулға җайлашқанлиқини биләмсиз?

түркийәниң бирла вақитта 63 миң киши сиғидиған әң чоң җамәсии болған чамлиҗа җамәси, дунйадики әң чоң 13- җамә һесаблиниду. истанбулниң үскүдар наһийәси чегралири ичидики чамлиҗа егизликигә җайлашқан бу җамәниң қурулуши 2013-йили башланған, 2019-йили 5-айниң 3-күни хизмәткә кириштүрүлгән болуп, йәр көлими 57 миң 500 кивадрат метир келиду.

чамлиҗа җамәсиниң лайиһәсини һайрийә гүл тото вә баһар мизрақ ханимлар пиланлиған. җүмлидин бу айал бинакарлар җамәни 63 миң киши бирла вақитта ибадәт қилалайдиған, шундақла айаллар җамәдә бималал ибадәт қилалайдиған шәкилдә қуруп чиқишни пиланлиған.

бу лайиһәниң әң ахирқи нусхисини мемар һаҗи мәһмәт гүнәр тәййарлиған. лайиһәлигүчиләр йәр тәврәш еһтималлиқини көздә тутуп, җамәниң қурулушини тәбиий апәт йүз бәргән әһвалда 100 миң киши сиғалайдиған шәкилдә тамамлиған.

егизлики 72 метир келидиған җамәниң асаслиқ гүмбизи истанбулда йашайдиған 72 милләткә, дийаметири 34 метир келидиған гүмбизи истанбулға символ қилинған.

чоң чамлиҗа җамәсии дунйадики әң чоң дәрвазилиқ ибадәтханилардин бири болуп, чоң дәрвазисиниң кәңлики 5 метир, егизлики 6.5 метир, еғирлиқи 6 тонна келиду.

бу җамәниң қоруси музей, сәнәт сарийи, кутупхана, миң кишилик йиғин зали, 8 һүнәр - сәнәт сехи вә 3500 аптомобиллиқ аптомобил тохтитиш мәйданидин тәшкил тапиду.

чамлиҗа җамәсии ечилғандин буйан, йәрлик вә чәт әллик милйонларчә киши тәрипидин пәқәт ибадәт үчүнла әмәс, сайаһәт мәқситидиму зийарәт қилинмақта.