ван белиқи

түркийәниң йәрлик белиқ түрлириниң наһайити мол икәнликини биләмсиз?

гәрчә түркийәниң йәр көлими дунйа йәр өлчиминиң миңдин бәшичилик кәлсиму, әмма дунйадики белиқ түрлириниң % 2.9 и түркийәдә йашайду. башқичә ейтқанда, белиқ түрлири җәһәттә түркийәниң белиқ түрлири дунйаниң йәр өлчими үлүшидин алтә һәссә көп.

түркийәниң йәрлик белиқлириниң муһим бир қисми адәттә көлләр вә еқинларда йашайду. түркийәниң әң даңлиқ йәрлик белиқи болса ван белиқи һесаблиниду. йепиқ ойманлиқ болған ван көлидә һәр йили 15 миң тонна әтрапида белиқ тутулиду. ван көли әтрапида йашайдиған тәхминән 14 миң киши бу белиқчилиқ кәспийгә тайинип тирикчилик қилиду.

ван көлидә йашайдиған милйардлиған белиқлар һәр йили әтийазлиқ көчүш мәзгилидә пәвқуладдә көрүнүшләрни һасил қилиду. ван көлиниң сүйидә йашайдиған вә 4-айниң оттурилирида тухумлирини қалдуруш үчүн сәпәргә атлинидиған бу белиқлар, җапалиқ сәпәрдин кейин ван көлигә қойулидиған еқинларда тухумлайду. тухум қалдуруш үчүн еқинға қарши гойа учқандәк татлиқ суларға ақидиған белиқларниң бу күриши, тамашибинлар үчүн пәвқуладдә көрүнүшләрни һасил қилиду. һәр бир белиқниң қорсиқида 10 миң тухум бар болуп, тухумлаштин бурун тутулған һәр бир белиқ дунйаға кәлгүси 10 миң йеңи белиқниң йоқ қилинғанлиқидин дерәк бериду. белиқлар тухумлиған вә  75 күнлүк сәпәрдин кейин көлгә қайтип келиду.

1996-йилдин буйан ван белиқини қоғдаш тоғрисида муһим хизмәтләр ишләнмәктә. миңлиған кишиләр әрҗиш-дәличай белиқ базисидики бу йәрлик белиқларни көзитиш үчүн қурулған көзитиш саһәсигә йиғилип, ван белиқлириниң көчүш сәпирини көзитиду. буниңдин башқа йәнә, әрҗиш белиқчилиқ базисида хәлқара ван белиқлириниң көчүш сәпирини көзитиш мәдәнийәт-сәнәт фестивалиму өткүзүлиду.