اخبارات کی جھلکیاں

روزنامہ ینی شفق کا لکھنا ہے کہ  صدر رجب طیب ایردوان نے ایوان صدر میں منعقدہ ایک تقریب سے خظاب کے دوران کہا کہ  ترقی یافتہ ممالک میں کورونا ویکسین کی دستیابی مشکلات کا شکار ہے مگر ترکی میں ہمیں کوئی دقت نہیں اور جلد ہی ہمیں مزید پانچ کروڑ خوراکیں مل جائیں گی ۔

 روزنامہ خبر ترک کے مطابق ،ترک وزارت صحت اور عالمی ادارہ صحت مشترکہ طور پر کورونا کے تدارک کے سلسلے میں تقویت استعداد  کے حامل ایک منصوبے  پر کام کر رہے ہیں جس کا مقصد وائرس کی نئی اقسام  کا پتہ لگانا اور کورونا کے خلاف  ترکی کے اقدامات کو فرغ دینا ہے۔

 روزنامہ اسٹار  نے خبر دی ہے کہ  ایرانی وزیر خارجہ محمد جواد ظریف نے قفقاز کے علاقے میں چھ ملکی تعاون کے پلیٹ فارم کے قیام کی کوششیں تیز کرتےہوئے دوروں کا آغاز کر دیا ہے۔ امید ہے کہ وہ جلد ہی ترکی  آئیں گے۔

 روزنامہ صباح کا لکھنا ہے کہ  ترک وزارت دفاع نے بیان دیا ہےکہ   ہمارے عسکری مشیر  نیٹو کے عراق مشن کے تحت  عراقی فوج کی اعانت کے لیے بغداد روانہ ہو گئے ہیں۔

روزنامہ حریت  کے مطابق، استنبول ہوائی اڈہ اور ترکش ایئر لائنز  یورو کنٹرول کے  اعداد و شمار کے تحت ماہ رواں کے دوران یورپی فضائی آمدو رفت میں  نمایاں رہے، بتایا گیا ہے کہ  18 تا 24 جنوری کے درمیان ترکش ایئر لائنز کی  یومیہ 596 پروازوں کی آمدو رفت ممکن ہوئی  جبکہ  484  پروازوں کے اعتبار سے استنبول کا ہوائی اڈہ   یورپی ہوائی اڈوں کے درمیان سر فہرست رہا۔