Dönya matbuğatına küzätü 31.08.2021

“Al-Quds Al-Arabi” basması Abu - Dabi täxet varisı Möxämmäd bin Zayed Äl Naxyannnıň Törkiyä - Berläşkän Ğaräp Ämirlekläre mönäsäbätläre naçarlanğannan soň berençe tapqır Törkiyä ilbaşı Ärdoğan belän êlemtägä kerüen , alarnıň telefonnan söyläşüe turında yaza.

“Al-Dustour” gazetı qurqınıçsızlıq xisaplarınıň “Livanda sośial’ kütäreleş, bäreleş qotılğısız buldı” dip kisätüen citkerä.  

“Al-Raya” basması yazğança, İzrailneň Yordannıň Könbatış üzänlegendäge xoquq bozuların dokumentlaştırğan BMO xisabına kürä, 2021 nçe yılda basıp aluçılarnıň pulyalarınnan 55 fälästinle şähit bulğan.  

“Deutsche Welle” media oyışması Germaniya 2021 nçe yılnıň berençe 6 ayında 47 meň 400 sıyınuçı qabul itte dip belderä.  

“Tagesschau.de” soňğı 28 yılda Germaniyädä inflyaśiya külämeneň iň yuğarı däräcäsenä citüen xäbär itä. Avgustta inflyaśiya 3,9 % täşkil itkän.  

 “Wiener Zeitung” yazğança, Avstriya prem’yer-ministrı Sebast’yan Kurz wazıyfasınnan kitäçäk Germaniya kanślerı Angela Merkel belän Berlinda soňğı tapqır oçraştı. Alarnıň mönäsäbätläre härwaqıt salqın ide.  

“El Comercio” basması AQŞ 20 yıllıq suğıştan soň Äfganstannan kitte häm ilne Talibanğa birde dip citkerä.  

“TASS” agentlığı citkergänçä, Rusiyäneň İrkutsk töbägendäge ber şirkät Qıtaynı ağaç kontrabandası öçen sudqa birde.

 “İzvestiya” gazetı yazğança, Ukraina ilbaşı kiňäşçee Aleksey Arestoviç Rusiya belän säwdä mönäsäbätlären tuqtatunıň ilenä faydalı bulaçağın belderde.

“Le Monde” basması 20 yıllıq suğış häm Djo Bayden citäkçelegeneň  5 ay buşqa waqıt uzdıruınnan soň Amerika ğaskärläre Qabuldan kitte dip yaza.

“Le Figaro” gazetı citkergänçä, Kön’yaq Afrika ğalimnäre Kovid-19nıň ğadäti bulmağan mutaśiya tizlegenä iyä yaňa variantın küzätälär.

“Le Matin” basması AQŞ xakimiyäte Kovid -19 êpidemiyäse arqasında üz watandaşların Şveyśariyägä barmasqa çaqırdı dip yaza.  

“Tatar - inform” mäğ’lümat agentlığı xäbär itkänçä, Rusiya 2027 nçe yılda yaňa ğaläm stanśiyäse tözi başlarğa mömkin.