Dön’ya matbuğatına küzätü 27.08.2021

Franśuz telendäge “Le Monde” gazetı yazğança, Franśiyä xökümäte räise Jan Kasteks ilneñ Äfğanstannan êvakuaśiyäseneñ comğa kiçe tögällänäçägen xäbär itte.

“Le Figaro” gazetı Franśiyädä soñğı 24 säğat’tä koronavirustan 110 keşeneñ ülüen, 2 meñ 261eneñ reanimaśiyädä yatuın citkerä.

Ğaräp telle “el-Düstur” gazetı Yordaniyäneñ Äfğanstandağı terrorçı höcümnären ğayepläwen xäbär itä.

“el-Quds el-Arabi” yazğança, AQŞ ilbaşı Djo Bayden Qabul höcümnären yasawçılarğa yanadı: “Êzläp tabaçaqbız häm cawabın birdertäçäkbez”.

 Nemeś telendäge Bild.de säxifäse dä Äfğanstandağı şartlawda 13 AQŞ xärbiyeneñ hälaq buluın häm ilbaşı Djo Baydennıñ terrorçılarğa yanawın citkerä.

Germaniyäneñ “Spiegel.de” säxifäse Äfğanstandağı şartlawdan soñ AQŞtağı bayraqlarnıñ yartılaş töşerelüen xäbär itä.

Rus telendäge RBK xäbär säxifäse yazğança, Rusiyä sälamätlek saqlaw ministrlığı koronavirusqa qarşı bişençe rus vakśinasın qullanuğa röxsät birde.

Kommersant gazetı Qazaqstanda ber xärbi berlektä bulğan şartlawda 4 keşeneñ ülüen, 90ınıñ yaralanuın xäbär itä.

RT säxifäse Rusiyäneñ Başqortstan cömhüriyätendä ber awılnıñ yanuın citkerä. Töbäktäge urman yanğınnarı öylärgä küçä.

İspan telendäge “El País” gazetı yazğança, İspaniyä Äfğanstannan êvakuaśiyäne bu comğa tögällärgä uylıy.

Şul uq ilneñ “El Mundo” gazetı AQŞnıñ, Qabul aêroportındağı şartlawdan soñ, tağın da kübräk DEAŞ höcümnärenä äzerlänüen xäbär itä.

Tatarstannıñ “Tatar-inform” mäğ’lümat agentlığı Sverdlovski ölkäsendä Tatar mädäniyäte könnäre uzaçağın citkerä.