Dön’ya matbuğatına küzӓtü 25.08.2021

Angliyada basıluçı bӓysez ğarӓp gazetı “el-Quds el-Arabi” yazğança Yordannıñ könbatış üzӓnlegeneñ tön’yağında İzrail ğaskӓrilӓre tarafınnan üterelgӓn 15 yӓş’lek fӓlӓstinle balanı cirlӓdelӓr.  

Şul uq basma beldergӓnçӓ Aljirnıñ diplomatik mönӓsӓbӓtlӓrne özgӓnnӓn soñ Marokko açıqlaw yasadı: “Moña borçıldıq, uzuın telibez.”

Qatarnıñ “el-Raye el-Qatariyye” gazetı xӓbӓrenӓ kürӓ Qatar - Ӓfğanstanda qalğan keşelӓrne êvakuaśiya öçen möhim il.  

Alman telendӓge tagesschau.de xӓbӓr sӓxifӓse citkergӓnçӓ Germaniyaneñ Êş belӓn tӓêmin itü departamentı başlığı Detlef Şile Germaniyaneñ yılda 400 meñ migrantka ixtıyacınıñ buluın ӓytep, xökümӓtne kübrӓk qaçaq alırğa çaqırdı. “Germaniyaneñ êş köçe kimi,” – dide ul.

Welt.de sӓxifӓse Germaniya Kanślerı Angela Merkel’neñ süzlӓrenӓ urın birӓ: “AQŞsız Kabuldan êvakuaśiyalӓrne dӓwam itterӓ almıybız.”

Deutsche Welle media oyışması xӓbӓr itkӓnçӓ Taliban ӓfğannarnıñ ildӓn kitüenӓ röxsӓt birelmӓyӓçӓgen citkerde.  

“Le Parisien” basması beldergӓnçӓ yaña ber tikşerenügӓ kürӓ Pfizer hӓm Moderna vaksinalarınıñ Del’ta mutantına qarşı tӓêsire 66%ka töşte.  

“Le Figaro” gazetı Dön’ya bankınıñ Ӓfğanstanğa yӓrdӓmnӓren tuqtatuı turında yaza.

İspaniyaneñ “La Vanguardia” basması xӓbӓrenӓ kürӓ AQŞ ilbaşı Djo Bayden tӓnqıyt’lӓrgӓ qaramastan 31nçe avgustta Kabuldan çigenep beterüdӓ üzeneken itӓ.

TASS agentlığı citkergӓnçӓ Rusiyӓ saqlanu ministrlığı dӓwlӓt başlığı Vladimir Putinnıñ boyırığı belӓn Rusiyӓ, Ukraina hӓm Kollektiv iminlek kileşüe oyışmasına ӓğza bulğan illӓrneñ 500dӓn artıq watandaşın Ӓfğanstannan êvakuaśiyalӓçӓk.

“Tatar-inform” mӓğlümat agentlığı yazğança Tatarstannıñ Diniya nӓzarӓte volontyerlık xӓrӓkӓtendӓ qatnaşuçılarnı Bolğarğa sӓfӓrgӓ çaqıra.