Dön’ya matbuğatına küzätü 26.08.2021

Franśiyäneñ “Le Monde” gazetı yazğança, Awrupa keşe xoquqları mäxkämäse Franśiyä yanğın sünderüçeläreneñ koronavirusqa qarşı vakśina yasatu mäcbüriyäteneñ beterelü taläben qabul itmäde

Şul uq ilneñ “Le Figaro” gazetı Franśiyädäge ilbaşı saylawları belän bäyle soraştıru näticälären yaza. Anda Marin Le Pen häm Êmmanuêl’ Makron alda bara.

Aljazeera kanalı millionnarça äfğanğa qıtlıq yanawın citkerä. Bötendön’ya azıq-tölek programması sörän sala. Ä Bötendön’ya sälamätlek saqlaw oyışması isä ildäge koronavirus kizüe öçen borçıla.

Ğaräp telle basmalardan “Eldustour” yazğança, koronavirusnıñ taralu tizlege totrıqlı bula başladı.

“Elraya” gazetı Katarnıñ Äfğanstandağı diplomatik tırışlıqların tizlätüen citkerä.

İspaniyäneñ “El Mundo” gazetı xäbärenä qarağanda, ildä yaña belem birü yılında “uquçılarnıñ däreslärgä maksimum kilüläre” häm partalar arasındağı aranıñ arttırıluı täêmin iteläçäk.

Venesuêlanıñ “TeleSur” matbuğat çarası yazğança, Kubadan tağın ber sälamätlek saqlaw törkeme cir teträwdän zarar kürüçelärgä yärdäm itü öçen Gaitiğa kitte.

Nemeś telendäge “Deutsche Welle” citkergänçä, Germaniyä kanślerı Angela Merkel’ Äfğanstandağı qazanışlarnı saqlaw öçen Taliban belän söyläşülärne däwam itü kiräklegen äytte.

Rusiyäneñ TASS agentlığı xäbärenä qarağanda, belgeçlär Kamçatka yarımutrawındağı Siveluk vulkanınıñ xäräkätlänüen söyli.

Şulay uq TASS agentlığı yazğança, Rusiyäneñ Roskosmos agentlığı räise Dmitriy Rogozin 5nçe oktyabr’gä planlaştırılğan Soyuz MS-19 ğaläm apparatın oçırtu tantanasına İlon Mask, Riçard Branson häm Djeff Bezosnı çaqırmaqçı.