Dön’ya matbuğatına küzätü  30.03.2021

Nemeś telle basmalardan “Deutsche Welle” yazğança, Törkiyä belän Awrup Berlege arasındağı cılınudan soñ kiläse atnada berlekneñ şura räise Mişel’ belän komissiyä citäkçese Fon der Leyen Änkarada ilbaşı Räcäp Tayyip Ärdoğan belän oçraşaçaq.  

“Nachrichten” säxifäse citkergänçä, Bötendön’ya sälamätlek saqlaw oyışması mäğ’lümatlarına qarağanda, dön’yada bulğan vakśina dozalarınıñ öçtän ikese 10 däwlätneñ qulında.

Tagesschau.de säxifäse xäbär itkänçä, Germaniyädä waqlap satuçılar iq’tisadqa can örü öçen xökümättän härkemgä 500 meñ yevro büläk itüne sorıy.

Yordaniyäneñ “el-Düstur” gazetı Misır ilbaşı Abdelfättax äs-Sisinıñ töpkä utırğan köymäne yözdergännän soñ Süäeş kanalındağı korab krizisınıñ tögällänüen xäbär itüen yaza.

 “el-Quds el-Arabi” gazetı citkergänçä, İzrail poliśiyäse Xayfa şähärendä pıçaq belän höcüm itüenä sıltap ber fälästinlene üterde.

Franśiyäneñ “Le Monde” gazetı ildäge “Ğomum iminlek qanunı” turında yaza. Deputatlar häm senatorlar dokumentnı tiz arada qabul itü öçen kileşü tözede.

“Le Figaro” gazetı citkergänçä, Parij M’yanmadağı rejimnıñ suqırlarça häm ülemçel dähşäten tänqıyt’läde.

İspaniyäneñ “El Mundo”  gazetı xäbär itkänçä, ildä mediśina xezmätkärlärenä vakśina yasağannan soñ alar arasında yoqtıruçı häm ülüçe sanı kisäk kenä azayğan.

Venesuêlanıñ “El Nacional” gazetı Kubanıñ yaña çığarğan Kovid-19 vakśinasın 124 meñ mediśina xezmätkärendä sınayaçağı xaqında yaza.

Rusiyäneñ TASS xäbär agentlığı Avstraliyäneñ 4 rus şirkäte häm 1 rus watandaşına  Qırımdağı êşçänlekläre öçen yaña sankśiyälär kertüen citkerä.

Gazetem.ru säxifäse Rusiyäneñ Sputnik V vakśinası öçen Qıtay belän kileşü tözüen xäbär itä.

“Tatar-inform” mäğ’lümat agentlığı Tatarstannıñ Yäşel Üzän şähärendä tuğız qatlu yortta gaz şartlawın, anda 1 keşeneñ ülüen, 6sınıñ tän cäräxätläre aluın citkerä.