Dön’ya matbuğatına küzätü 25.03.2021

Franśiyäneñ “Le Monde” gazetı yazğança, Kovid-19 arqasında reanimaśiyägä salınğan xastalar arasında yäş’lärneñ sanı torğan sayın arta.

Ğaräp telle “Eldustour” Ğadälät häm üseş partiyäseneñ Räcäp Tayyip Ärdoğannı qabat ğomum räis bularaq saylawı turında citkerä.

Şulay uq “Eldustour” yazğança, Yordaniyädä AstraZeneka vakśinasınıñ berençe häm ikençe dozaları arasındağı 3 aylıq waqıt ğamälgäkergän.

Aljazeera kanalı citkergänçä, Törkiyä Franśiyä ilbaşı Makronnıñ ildäge saylawlarğa tıqşınu belän  bäyle belderülären ğayepläde.

İspan telendäge  “La Nación” matbuğat çarası beldergänçä, Argentina, Venesuêlağa teläktäşlek yözennän, Lima törkemennän çıqtı. Ul – 2017nçe yılda Latin Amerikasında 14 däwlät tarafınnan tözelgän xalıqara berlek.

Germaniyäneñ Bild.de säxifäse yazğança, kanśler Angela Merkel’ soñğı Korona sammitında Pasxa bäyrämendä kerteläçäk çikläwlär öçen watandaşlardan ğafu ütende.

Deutsche Welle citkergänçä, Germaniyä Sputnik V vakśinası öçen adım yasadı. Xökümät Awrupa Berlege komissiyäsennän Rusiyä preparatına zakaz birü öçen êşçänlek başlawın soradı.

Spiegel.de säxifäse balalarnıñ koronadan 2022nçe yılda ğına vakśinalaştırılaçağın, anıñ da bar närsä üz yulında bulsa ğına tormışqa aşaçağın citkerä.

Lenta.ru säxifäse yazğança, AQŞ 2020nçe yılda Rusiyädän neft’ häm annan yasalğan êşlänmälär alunı arttırğan.

“Tatar-inform” mäğ’lümat agentlığı Qazannan Törkiyägä quzğalğan oçqıçnıñ borttağı ber balanıñ üzen naçar xis itüe arqasında kire kilüe xaqında citkerä.